Litterære gjestebod
Med lam frå Janstunet, aure frå Jølstravatnet og mjølk og kjøt frå dei vestlandske fjordfea på garden vår som utgangspunkt, set Christel Eide frå Mitt lille kjøkken saman menyar for våre litterære gjestebod.
Foto frå festmiddag og intimkonsert med Stein Torleif Bjella i Svidal grendehus palmelaurdag 2018.
Velkomst med utdrag frå «Verdt å vite» av Ragnar Hovland.
Brød og heimelaga ferskost med ramsløk.
Aure grava i granateple, syrleg rømme, aureegg på saltkokt potet.
Potetskinn fritert, villfanga kveite, safranmajones, marinert agurk.
Påskelam med urter, steikt vårløk, bønner og jordskokk frå Håjen. Med sjysaus og ovnsbakt potet ved sidan av.
Pannacotta av mjølk frå vestlandsk fjordfe, mango, sjokolade og nøtter, men desserten gløymde vi heilt å fotografere.
Litterær konsert med gjesteartist: vår dåverande, kjære biblioteksjef Grete Skaar Sunde.
Arrangementet var i samarbeid med Jølster bibliotek, Rom for ord og med god hjelp frå Jølster jazzklubb. Alle foto: Ulf Rugumayo Amundsen